Posted by toudano on 27/1/2008, 3:30 pm
Ada kata ini orang Manadokart datang pulkam kong pigi makang di restoran terapung dipinggir danau Tondano. Dengan sorodo dia hantam nike dan ikang bakar yang lezat campur dabu-dabu lilang. Klar makang dia so barasa skali musti bayar belasting mar satu-satunya WC yang ada orang so pake. Dengan sabar si Manadokart tunggu dekat pintu WC kong kase krois tu kaki karna memang so nyanda tahang. Dari dalam WC ada kedengaran suara nona-nona ulang-ulang bataria: "Sembilan...sembilan...sembilan...sembilan...sembilan...". Si Manadokart nyanda abis pikir ada jadi apa deng tu nona. Dekat pintu ada lubang kecil. Si Manadokart so inging skali tau kiapa kong tu nona trus trus jo bataria. Plan plan dia bahoba dilubang. Kurang kage tu nona cucu kamari Manadokart pe mata dengan jari telunjuk. Nyanda lama lei kedengaran: "Sepuluh...sepuluh...sepuluh...sepuluh...sepuluh..."
Yah kalo Burako ada tasopu disitu tantu somo jadi: 'Sebelas...sebelas...sebelas...sebelas...sebelas"
Message Thread:
« Back to thread