Posted by Petu. A
on 15/5/2008, 3:27 pm
Tanta Unggu bawa dya pe laki Uttu ka dokter. Abis priksa pa Uttu, dokter pangge pa tanta Unggu.
Dokter: "Ngana pe laki butul butul saki braat. Kalu ngana nyanda jaga bae bae pa dya ...... so pasti dya akang brangkat ka sorga. So itu ator bae bae pa dya. Kalu pagi2 kase smokol bubur ayang kong jaga dya pe prasaan ... biar dya ba sanang sanang. Kalu so siang siang kase makang sadap sadap ..... jangang suru dya beking apa apa ... biar dya batidor bauni TV .... jangan ceritra ngana pe persoalan2 berat ..... biar dya nyanda stress ..... kalu malang malang ngana kase akang makanan yang paling dya suka .... deng kalu so di tampa tidor ... iko akang jo dya pe mau .... dya mo brapa kali ... iko akang jo. Kalu ngana urus bagitu pa dya ...... nyanda sampe 3 bulan dya so bae ... tu panyaki akang ilang".
Waktu pulang ka rumah, di taksi Uttu batanya "Tadi apa tu dokter da bilang pa ngana?".
Tanta Unggu (toreba): " DOKTER BILANG, SO NYANDA LAMA NGANA ........ SATU DUA HARI INI NGANA SOMO SMAPUT KONG MATIIIIIIII NO ... ".
Message Thread:
« Back to thread