Posted by KekeTanawangko on 19/5/2008, 1:57 pm
SAPI
Waktu Oom Maku dapa omba basar di lao, dia basombang "Tete Manis, kalu ini omba brenti, itu sapi pranggang di rumah kita kase sebagai persembahan."
So brapa hari lewat, Oom Maku nyanda bawa tu sapi ka greja. Dia pe eso tu sapi mati, kong Om Maku manangis "Tete Manis, kiapa kwa itu persoalan di lao bawa-bawa ka rumah...?"
UBI
Tanta Dika ada layani bae-bae dia pe tamu dari Sanger yang baru ni kali datang Jakarta. Nyanda lupa dia ada sadia akang ubi di meja makang, dia pikir ini tamu tantu senang skali dengan dia pe sajian.
Serta dudu makang ini tamu baveto "Tuangali jo ni ubi, so di Jakarta ley ngana masih da iko-iko...!"
BUNGA POPAYA
Ungke so lama da tinggal di Jakarta, serta dia pulang, tanta Neko langsung sadia itu dia pe anak pe makanan kesukaan, sayor bunga popaya.
Tanta Neko sementara momasa kong Ungke maso ka dapur sambil bilang "Ih, kembang apa ini ya...?"
Tanta Neko "Oh ini bunga popaya, itu ngana pe suka-suka dang...!
Ungke : "Apa sih, aku nggak ngerti...?!
Tanta Neko : "Ini tu popaya pe bunga...sadap ja beking sayor...coba kwa ngana rasa..."
Ungke : "Ih, nggak doyan...makanan apaan tuh...?!
Tanta Neko (dengan grel) : "Tuangali jo Ungke...ngana ada basar deng ni sayor...masa kwa so lupa...???!!!"
Message Thread:
« Back to thread