Posted by Papa ivvi on 15/6/2008, 4:17 am
Pagi2 buta Chae so tunggu oto mo ka pasar, mo pi jual boke'. maar lantaran ada Euro 2008, tu sopir2 di kampung ba uni bola sampe laat. jadi nanti kaluar mancari somo siang.
Cuma ada satu sopir yang nyanda ja ba uni bola. orang biasa pangge dia 'pak haji', lantaran memang dia haji.
Pe brenti tu oto, pak haji tanya pa Chae "Mo kamana ngana Chae?". "Mo ka pasar pak haji..". "Apa dang tu di karong?" pak haji tanya ulang pa Chae. "Ini boke' pak haji..".
"Haah,..? boke'?? ngana so tau to kita nimbole muat boke',.. itu haram vor kita..!". Pak haji langsung tancap gas kase tinggal pa Chae. So dua ret pak haji lewat, maar tetap nimau muat kalu itu di karong boke'. Saki Chae pe ontak da pikir2, bagimana supaya ini pak haji muat ini boke'. Akhirnya Chae dapa akal.. bagitu oto brenti, pak haji tanya ulang "Apa tu di karong Chae..?". "Oo, ini nangka pak haji..". "Kalu nangka, ngana boleh muat". So stenga perjalanan, kong tu boke bataria 'ngueeeek,..ngueeek'. Pak haji ta kage, kong ba veto pa Chae "Ngana pe biji deng ngana Chae..! ngana bilang itu nangka. boke kote'..!". Chae ley stel bela diri "Ini memang boke, maar de pe nama Nangka.."
....
"Balachae, tu chae di cirita bukang angko.
jang komaling angko somo mawi per nyaku".
....
Message Thread:
« Back to thread