Posted by Petu.A
on 17/2/2009, 11:55 am
Unggu deng Ketti dudu batunggu di R.tunggu dokter kandungan.
Ketti:"So lama skali kitya, sampe so ganti priksa pa 2 dokter, maar sampe skarang kitya pe puru blum ada tanda tanda".
Unggu:"Dulu kitya sama deng ngana,maar itu samua so lewat. Skarang kitya ka sini cuma mo ba priksa....... so isi 3 bulang.
Ketti:"He coba ceritra, bagimana supaya kitya pe buru bisa ba isi".
Unggu:"Adoo ngana. So dengar tu tukang baruba nama Chae di Tomohon?. Coba ngana ka sana".
Ketti:"Ooh dya ........ sama jo. Kitya deng kitya pe laki so brapa kali pe baruba pa dya ..... tu doi transport so banya kaluar, maar .... nol basaaar, nyanda ada apa apa".
Unggu: "Aah, ngana salah".
Ketti:"Salah bagimana lei".
Unggu:"Laing kali kalau kasana ....... persis kitya no, datang sandiri ... jangang bawa ngana pe laki, satu kali baruba so pasti ..... jadi".
Message Thread:
« Back to thread