Posted by Sorodo on 7/3/2009, 5:49 pm
Kale memang so jadi kaya butul.. punya mercy, jaguar, BMW, deposito, rumah bagus, dll...
Satu hari dia beking pesta di pinggir kolam renang yang ada 3 ekor buaya Kale da piara......
Kale : "Sapa yang berani batobo dari ujung sini sampe di ujung sablah, kita mo kase hadiah kita pe rumah..." Tamu2 tadiang samua nyanda ada yang brani.
Kale : "Kalu bagitu kita tambah deng kita pe mercedes...". Tamu2 masih badiang nyanda ada yang bagera.
Kale : "Okey..kita tambah lei deng doi 1 milyar...".
Tiba tiba .......Byuuurrrrrr..keceplak...kecepluk..adooouuuhhh...
akhirnya ada orang yang batobo sampe di sablah.
Kale langsung dola pa dia kong batanya..
Kale : "Apa ngana so mo ambe tu hadiah rumah..?
Tamu : "Ta nemau...!!!!!
Kale : "Rumah deng mercedes...???
Tamu : "Ta nemau .......!!!!!
Kale : "Rumah,mercedes deng doi 1 milyar...?
Tamu : "Samua itu ta nemau.....???
Kale : "No apa dang yang ngana mau...
Tamu : "Kita cuma mo tau, sapa yang da tola pakita tadi.......???????????
Message Thread:
« Back to thread