Posted by Petu. A
on 18/3/2009, 10:36 pm
Jumat sore pulang kerja, Uttu so baku ator deng dya pe tamang Kale, baku dapa di tampa minong. Dorang dua sikat cap tikus sampe tobat.... sampe hari Minggu malang. Waktu pulang tanta Unggu so tunggu ba tola pinggang di pintu.
Tanta Unngu:"He Uttu, ngana so talalu ... 3 hari nyanda pulang pulang. Mana pulang so bagini, mabo. Tanta Unggu bafeto sampe 2 jam, kong depe akhir dya bilang:"He Uttu bagimana kalu kitya tambah lagi 3 hari nyanda usah lia pa kitya".
Uttu (so pastiu dengar tanta Unggu ba feto mana lei tu kapala masih pusing) bamutung:" 3 hari nyanda lia pa tukang ba feto ....... nyanda apa2 no".
Dapa dengar tu Uttu pe bamutung, tanta Unggu nae as:"He banya bicara ngana .................."
Butul no, hari Senin Uttu nyanda lia pa tanta Unggu. Bagitu lei hari Selasa dan Rabu. nanti hari kamis pagi baru Uttu dapa lia sadiki pa Tanta Unggu. Itu lei cuma bisa bahoba dari ujung mata kiri, soalnya tu bangka so turung sadiki .... tu mata kanan masih ta tutu .... bangka no.
Message Thread:
« Back to thread