Posted by Petu. A
on 31/3/2009, 3:56 pm
Oom kale deng Tanta Unggu dapa kesempatan iko tour ke Holy Land.
So keliling ka mana mana , satu hari dorang sampe di Talaga Galilea.
Kale: "Mister, brapa tu ongkos ba putar putar pasiar nae prau di ini talaga?".
Tkg Prau: "For Mister ...... kitya kase murah, cuma 20 Dollar per orang, per jam".
Kale: "Ado do, pe mahal butul .... hey nyong bisa kurang nyanda?".
Tkg.Prau: "Nyanda bisa mister ..... kalau nyanda mau ..... cari jo prau laeng".
Kale: "He nyong ....... kitya dari Tondano ..... pa torang pe talaga .... deng doi bagitu, kitya so pasiar baputar putar deng so dapa makang sampe kanyang".
Tkg Prau: "Sorry mister ..... itu di mister pe tampa .......... disini kang laeng, myanda sama, ............ ini talaga kang ada ta tulis di Alkitab .......... mister pe talaga kang nyanda ada ta tulis di alkitab".
Kale babise pa Unggu: "Oooh ... baru skarang butul butul kitya mangarti .......... kyapa tu torang pe Tuhan Jesus musti bajalang di aer ............ talalu mahal reeng ..... kalu Dya nae prahu".
Message Thread:
« Back to thread