Posted by Petu. A
on 26/6/2009, 11:02 pm
Uttu operasi jantung dirumasaki. Tu operasi sukses jadi Uttu Slamat nyanda jadi out.
Waktu so sadiki bae, tu perawat batanya,
Perawat :"Oom so mo bae, maar bole kitya ba tanya bagimana oom mo bayar samua ..... apa oom iko asuransi kesehatan?"
Uttu :"Kitya nyanda percaya deng tu asuransi ... itu cuma beking bodok".
Perawat :"Kalu bagitu oom mo bayar tunai?"
Uttu :"Ado kasiang, kitya nyanda banya doi".
Perawat :"Barangkali oom punya family dekat?"
Uttu :"Ada .... kitya punya ade perempuang. Maar susa no ..... dya so jadi biarawati di Tomohon. Mangarti jo, ta dengar so sadiki meng meng, abis hari hari dya pe karja cuma baca doa".
Perawat :"Oom jangan bagitu ne .... kitya mo kase lurus. Biarawati bukang meng meng. oom musti tau, dorang tu biarawati da kaweng deng Tuhan".
Uttu :"Kalu bagitu so cocok butul ........ tolong kirim akang tu kwitansi pa kitya pe ipar, dya punya kang samua".
Message Thread:
« Back to thread