Posted by Petu. A
on 12/8/2009, 8:29 pm
Kale dominee, polisi LL tangka karna tasalah maso jalang.
Polisi:"Maaf oom, bole kitya lia oom pe SIM".
Polisi priksa tu SIM, maar waktu Kale bicara tu polisi ciong bau cap tikus. Polisi periksa dibawa tampa dudu, dya dapa botol aqua maar dya pe isi cap tikus.
Polisi:"Ini so talalu, kitya baca di SIM oom dominee. Jangan stir oto kwa kalu da minong cap tikus ........ bahaya skali... nyanda peduli dominee ato setang sapa .... ini musti ka pengadilan .... dapa hukum brat".
Kale:"He polisi, sapa bilang kitya da minong captikus ...... kitya cuma minong air aqua".
Polisi:"Coba lia, ini memang botol aqua, maar apa dya pe isi ........ coba dominee ciong".
Kale ciong tu botol aqua, trus tutu mata kong lipa tangang:"Oh Bapa ........ so jadi ulang tu mujizat ........ persis tu Perkawinan di Kana".
Message Thread:
« Back to thread