Posted by sosiru on 16/9/2009, 3:30 am
Eky deng Ody jaga bakarja bangunan. So satu minggu ini dorang pe maitua jaga sadia dorang pe dofoma (biasa dorang beking sandiri).
Eky: "Kalu eso maitua kase nasi deng kangkong rubus lei, kita mo balumpa dari mafana".
Ody: "Kita lei bagitu. Kalu maitua eso kase nasi deng daong ubi tumis, kita mo ba gantong diri di tiang raja".
Depe eso, orang dapa Eky deng Ody pe mayat kong bawa ka rumah. Di popoji pa Eky ada kertas: "Pastiu Kangkong rubus", kong di popoji pa Ody ada kertas: "Pastiu Daong Ubi tumis".
Meiske (Eky pe maitua): "Eky, kiapa ngana nyanda pernah bilang kalu ngana so pastiu itu nasi deng kangkong rubus. Kalu kita tau, kita nyanda pernah kase tu makanan pa ngana" (sambil manangis ta hela-hela)
Meity (Ody pe maitua): "Ody, kiapa nyanda dari dulu ngana bilang, kalu kita tau ngana nyanda suka nasi deng daong ubi tumis, so dari dulu kita nda kase ngana beking sandiri ngana pe dofoma" (sambil ba cubi mata pa Otje garida).
O we wei pa Meity dang.
Sosiru
Message Thread:
« Back to thread