Posted by BURAKO on 3/1/2012, 4:23 am
Waktu da pulang di Menado Keke pe buurman pe anak nama Renny umur 7 taong.
Keke ; Kapan maso skolah dang ngana Renny ?
Renny ; Torang da masih libur Natal deng taong baru tante,nanti tgl 9 baru maso skolah.
Keke ; Ohhh,..so klas brapa dang ngana Renny ??
Renny ; Kita baru klas dua,maar tante kita bole ba tanya sadiki so ??
Keke ; Oh bole noh,..mo tanya apa dang nganaaa ?
Renny ; Kita mo tanya tu burung Garuda depe arti apa dang tu dia tante ???
Keke ; Ohhh,..pe bagus skali dang kalu ngana mo tau tu depe arti,
Burung Garuda itu torang pe symbol negara,
depe bulu sayap ada 17
depe bulu ekor ada 8
deng depe bulu di leher ada 45
deng depe di pala pala ada 19
depe arti torang indonesia merdeka pada tgl 17-8-1945.
Renny ; So itu dang depe arti tante ????
Keke ; Iyo noh,..kiapa dang ????
Renny ; Untung bae jo torang nda merdeka pada tgl 2 januari,
kalu nyanda torang pe symbol rupa tu Capung sayap dua ekor satu.
Keke ,.????????....
Burako.
Message Thread
« Back to index