Posted by sosiru on 18/1/2012, 1:42 am
Satu hari tanta Unggu deng tanta Mari datang pa Kuntua Alo.
Tanta Unggu: "Kuntua, ini kita pe anak mantu, dia pe nama Otje. Maar ni parampuang miring ini mangaku dia pe anak mantu pa Otje"
Tanta Mari: "Kuntua, jang dengar pa ni parampuang seno. Otje kita pe anak mantu katu"
Kuntua Alo: (Dapa inga tu cirita raja Salomo) "Meweteng, coba bawa tu peda. Torang barbage dua jo ni Otje supaya adil"
Tanta Unggu: (Sambil bataria) "Kuntuaaaa..., jang potong pa Otje, kase jo tu Otje pa ni parampuang nda waras" (tanta Unggu lei dapa inga tu cirita raja Salomo. Dia pe kira Kuntua mo iko tu jalang cirita di Alkitab kong kase tu Otje pa tanta Unggu)
Kuntua Alo: "Mari, so pasti ni Otje ngana pe anak mantu"
Tanta Mari: "Kiapa kong bagitu? Unggu yang nimau kalu Otje dapa potong, kiapa Kuntua nyanda kase pa dia?
Kuntua Alo: "Kita tau persis. Mama mantu yang butul pasti cuma badiang kalu depe anak mantu mo dapa potong. Sabar jo ngana Mari, kita tau ngana lagi grel pa Otje, maar sapa tau Otje mo bartobat kong nyanda beking saki hati pa ngana"
Rupanya kote ni Otje so ba garida deng tanta Unggu. Kong tanta Unggu pura2 bingo Yaki waktu Kuntua gertak mo potong pa Otje.
O we wei,
Sosiru
Message Thread
« Back to index