Posted by sosiru on 8/2/2012, 1:20 am
Otje deng Burako so terkenal luar biasa jaha mar banya doi (dari hasil kejahatan mereka).
Maar Biar bae2 punya, skali2 dorang dua jaga maso greja, terutama kalu mo gate wewene.
Satu hari, Otje saki brat kong lewat. Waktu kebaktian penguburan di greja, Burako datang pa Pandeta:
Burako: "Pandeta, Otje ada kase warisan basar skali pa kita, maar kita mo kase samua for greja"
Pandeta:"Ado do, makase banya dang. Kong apa Otje pe pesan"
Burako:"Cuma satu. Waktu ibadah, Pandeta musti bilang kalu Otje itu orang suci"
Pandeta: "Ado Bur, bagimana lei ini, samua so tau Otje pe kalakuan waktu masi hidop"
Pandeta bapikir kras, sampe waktu ibadah:
Pandeta: "Sodara2, Otje waktu masi hidop memang jaha luar biasa, ba rampok, mabo, barmaing parampuang, bunung orang, pokoknya apa jo yang jaha dia so beking"
Burako: (Babise pa Chae)"Ni Pandeta lei so talalu. Orang so mati lei mo ungkit2 tu dosa". Kita nyanda mo kase tu Otje pe warisan ke greja"
Tiba2 Pandeta ta diang.... kong sambung depe khotbah:
Pandeta: "Maar biar lei Otje bagitu pe jaha, kalu mo bandingkan deng Burako, Otje itu orang suci"
O we wei, so itu kua ngana Burako, bartobat jo sebelum jadi rupa Otje.
sosiru
Message Thread
« Back to index