Posted by BURAKO on 10/3/2012, 4:51 am
Keke deng Miko so baku janji mo pigi ba ron di Mall.
Keke baru abis mandi kong dia dengar ada orang toki pintu,dia kira itu Miko kong dia pi buka deng cuma deng handuk di badang.
Serta buka pintu kamari Keke takage jaha sebab bukang Miko maar Chae tu dia.
Lia Keke cuma deng handuk kong Chae bilang,
EH Keke ??? jang marah neh,co kwa ta lia ngana pe pusa nanti kita kase doi 1 juta pangana.
Mo kase 1 jutaaa ??? kalu cuma mo lia pusa bole jo asal jang ta lebe ,ta nimau.
Nda manahang Chae kase kaluar doi 1 juta kong kase pa Keke
Eh Keke ?? ini jo tu doi , maar co kwa ngana buka kita cuma mo lia ngana pe pusa.
Keke pe dolong hati kalu 1 juta so cukup tu dia voor pi ba pontar di mall deng Miko .
Keke ; Noh lia jo bae bae ta pe pusa dang Chae asal jang ta lebe.
Chae lia sampe tatelang ludah kong dia kase doi pa Keke deng langsung pulang nda bilang apa apa.
Nda lama kamari Keke pe papa tasopu kong dia tanya sapa dang tadi yang da datang ?
Keke ; Oh yang datang tadi itu Chae Pa,maar dia so pulang.
Papa ; Apa ?? Chae ?? dia so kase pulang tu doi satu juta yang dia da pinjang pa kita dang ??
Keke ; Oh Iyo Pa,Chae cuma kase 500 rb kong dia bilang depe sisa nanti eso jo kata.
Papa ; Eso ta lipa pa dia deng ini dodutu,jaga lia jo.
Message Thread
« Back to index