Posted by BURAKO on 19/6/2012, 1:12 am
Tanta Annie tukang batoreba pa depe laki nda rupa dulu pe pambae skali dia deng pe fasung skali.
Apalei kalu depe laki nda iko depe mau nda tunggu lama kong tanta Annie momake luar biasa.
Satu hari tanta Annie paksa depe laki oom Buu kase doi mo ba blanja kata dia,
Oom Buu bilang eh Annie kita cuma ada ni pinpas (debit card) ngana ambe jo tu doi sandiri kong ba blanja.
Beking diri pande sonder tanya tu nomor kong tanta Annie ambe tu debit card dia pigi ambe doi,
dia kira tu debit card cuma kase maso kong tu doi kaluar ?
tunggu kong tunggu kase maso kase kaluar kase maso ulang maar tu doi nda muncul muncul.
Deng grel jaha tanta Annie pulang kong dia mo make abis abisan pa depe laki oom Buu,
Eh Buu,ngana kase tu card palsu, kita kase maso tu kard ba ulang kali kong tu doi nyanda kaluar kaluar
beking malo malo jo.
Oom Bu so tau kong dia pura pura sadiki tabingo kong dia tanya,Eh Annie ? ngana ambe doi dimana dang ?
Tanta Annie ; Kita ambe doi di Bahumal di tampa ambe doi situ da tulis ATM,apa dang tu ATM pe arti ???
Dengar bagitu oom Buu ba akal bulus kong dia jawab,
Eh Annie , ada patus jo kong tu doi nda kaluar tagal tu mesin ATM so tau pangana pe mulu,
Tanta Annie; Apaaa ??? tu mesin so tau pa kita pe muluuuu ??? so tau apa dang ???
Oom Buu ; Annie ??? kalu ngana mo tau tu ATM pe arti yaitu Annie Tukang Momake ,atau juga Anang Tukang Momake.
Tanta Annie ; Pe moskon dengana eh, sapa yang kase tau pa dorang dang ???
Message Thread
« Back to index